香港記者協會明天舉行換屆選舉。選舉尚未開始，建制媒體已連日質疑參選人背景及選舉認受性；今日保安局局長鄧炳強更公開批評記協「冇認受性」、「劣跡斑斑」，甚至警告涉及國安的工會人士：「我一定會釘死你」。
鄧炳強口中的「劣跡斑斑」，包括記協在2019年社會運動期間聲援遭受警暴的示威者，以及曾就黎智英因捍衛新聞自由而被囚一事仗義發聲。
一個組織有冇認受性，首先應該由其代表的業界來決定。一個記者組織為邊啲人發聲、採取咩立場，同樣應該由會員通過民主機制作出決定。
當政府高官公開批評一個工會或專業組織嘅「認受性」，甚至在沒有提出任何實質證據情況下，以國安之名警告該組織成員，對其正常運作施以強大壓力，所涉及嘅就唔再只係對記協嘅批評，而係工會同結社自由的打擊。
一個工會或專業組織嘅認受性，究竟由業界決定，定係由政府決定？
如果連一個敢於捍衛新聞自由、為記者權益發聲嘅組織，其內部選舉都要面對來自政府及建制媒體嘅政治壓力，香港工會嘅自主同生存空間，還剩下多少？